سلام عليكم  ان شاء الله تكونو بالف خير 


اليوم حبيت نقوللكم وصفه مجربه ونجحت 

ومعزتكم في قلبي حبيت  نقوللكم عليها 


وبلفعل نجحت مع بنت خالتي  

الوصفه لازم ميكونش فيك عارض او سحر لازم تفسخي راسك اد كان عندك عارض او سحر ماشي راح تصدق ليك انا مصدقتش ليا بسكو مفسختش راسي وبنت خالتي صدقت ليها وراهي متزوجه دوك  2 شهرين زواج 



نبداو بسم الله  هدي تعمليها في رمضان ليل القدر 

نهار 25 رمضان تخرجي تشري الحنه مطحونه من عند اعشاب   ومتسوميهاش وكيرد ليك الصرف متحسبيهش 
وبعد اشري ماء زهر بلا متساوميه  ومتحسبيش الصرف 
الصرف الي يبقا ليك  صدقيه لشي راجل  يطلب   ونوي في قلبك الزواج 
ورجعي لدار في ليل خلطي الحنه مع المزهر عادي وخبيها وبعد  غد نكونو ليلة القدر وهيا 26 في ليل  تتحسب 27 
روحي هزي الحنه وقرعه نتاع الماء الزهر وروحي بسكات للجامع صلي تراويح بيهااا  بلا ممتكلمي مع اي واحد وكتجي تبداي الصلا افتحي القرعه نتاع المزهر وصلي التراويح  وبعد غير تكملو الصلاة اغلقي القرعه واخرجي بلا متحكي مع اي واحد لازم سكات كتلحقي لدار  اربطي الحنه في يديك  وخليها تيبس ومتتكلميش  وبعد كتيبس حتيها نحيهااا  وخبيها 

نهارا لجمعه دوشي بيها  
ايه وبالنسبه  للماء الزهر كتخرجي امسحي بيه وجهك راح يكون عندك الزهر الي يشوفك يحبك ويقضيلك حوايجك 

والله والله والله اد مكاش عندك سحر ولا عارض راح تتزوجي في اقرب وقت 
بنت خالتي تزوجت بعد 20 يوم تخطبت وعيد كبير داوها ودوك راهي عند رجلهاا 

كاينه حاجه كدارتها مرضت حمي شدتها وراسها يدور  مرضت يومين بعد مدرتهااا   لكن لقات نتيجه وتزوجت لان عندها عين لديك مرضت وبالنسبه ليا انا  تقلقت بزاااااف  وليت خفيفه بزاف كون نصيب غير  نبكي ورميتها مقدرت نكمل 
كسقسيت قالولي كون كملتي هيا فيها معالجه 

نتمنا جربوها  رمضان الجاي  وتجيب نتيجه معاكم يارب 

عزيتو علي قلبي شاركتكم بيها 


شكراااااا

يا خااااااااااااااااااااااه الصلاه ما فيهاش اللعب ا بن عمي تروح تصلي التراويح تطلع راهي تسحر بماء الزهر ربي يهدينا يعيش الانسان باير ولا انو يلعب ب عماد الدين ربي يهديك

اختي  انتي الله يهديك هدا مهوش سحر 

الحنه والماء الزهر  كتديها معاك راهم يصلو الف شخص  وهيا تترقااا من صلاة وقران  وهديك ليلة مباركه 
ومكاش الي ضربك علي يدك وقالك ديريها  انا نزلتها هنا باه نساعد ناس 
فهمتي

شكرا حبيبتي الله يطول بعمري ان شاء الله من هنا الى رمضان الجاي و لو ما تخطبت راح اجربها باذن الله 
مشكورة حبيبتي الله يجزيك الخير يااااااااااااارب

ان شاء الله حبيبتي وتسعيناير خبر يفرح